ទីប្រឹក្សាជាតិសម្រាប់ការរៀបចំកែសម្រួល សៀវភៅណែនាំស្តីពីកិច្ចការរដ្ឋបាលឃុំ សង្កាត់
បរិយាកាសមុខតំណែង
- ប្រភេទការងារ: ទីប្រឹក្សា / អ្នកប្រឹក្សា
- ពេលវេលា:ការងារពេញម៉ោង
- ប្រាក់ខែ: អត់បញ្ជាក់
គោលបំណង
ការងារនេះមានគោលបំណងរៀបចំឡើងវិញនូវសៀវភៅណែនាំស្តីពីកិច្ចការរដ្ឋបាលឃុំ សង្កាត់ ដើម្បីពង្រឹងនិងលើកកម្ពស់សិទ្ធិអំណាច ការទទួលខុសត្រូវ និងសមត្ថភាពរបស់ក្រុមប្រឹក្សាឃុំ សង្កាត់ ឱ្យស្របតាមទិដ្ឋភាពច្បាប់ ព្រះរាជក្រឹត្យ អនុក្រឹត្យ ប្រកាស និងលិខិតបទដ្ឋានថ្មីៗប្រកបដោយបរិយាបន្ន និងនវានុវត្តន៍។ សៀវភៅណែនាំនេះនឹងក្លាយជាស្តង់ដារួមសម្រាប់អនុវត្តកិច្ចការរដ្ឋបាលនៅរដ្ឋបាលឃុំ សង្កាត់ ។ (ព័ត៌មានលម្អិតស្តីពីកិច្ចការ និងវិសាលភាពការងារ ត្រូវបានកំណត់ក្នុងក្របខណ្ឌការងារ (ToR) ជូនភ្ជាប់ជាមួយ។
ប្រភេទនៃបេក្ខជនដែលបានរំពឹងទុក
កម្រិតវប្បធម៌:
- បរិញ្ញាបត្រជាន់ខ្ពស់ ផ្នែក ច្បាប់ ឬគោលនយោបាយសាធារណៈ ឬគ្រប់គ្រងរដ្ឋបាលសាធារណៈ ឬកិច្ចការរដ្ឋបាលរាជធានី ខេត្ត ក្រុង ស្រុក ឃុំ សង្កាត់។
ប្រវត្តិការងារ:
- មានបទពិសោធការងារពាក់ព័ន្ធនឹងការរៀបចំគោលការណ៍ណែនាំ និងសៀវភៅណែនាំបច្ចេកទេស យ៉ាងហោចរយៈរយៈពេល 5 ឆ្នាំ
- មានជំនាញផ្នែកច្បាប់ ឬគោលនយោបាយសាធារណៈ ឬគ្រប់គ្រងរដ្ឋបាលសាធារណៈ ព្រមទាំងមានបទពិសោធការងារពាក់ព័ន្ធនឹងការរៀបចំច្បាប់ និងលិខិតបទដ្ឋានគតិយុត្ត យ៉ាងតិចរយៈពេល 5 ឆ្នាំ
ជំនាញ និងចំណេះដឹង:
ជំនាញទូទៅ និងបច្ចេកទេស
- សញ្ញាបត្រសាកលវិទ្យាល័យផ្នែកវិទ្យាសាស្ត្រសង្គម សេដ្ឋកិច្ច គោលនយោបាយសាធារណៈ រដ្ឋបាលសាធារណៈ ឬវិស័យពាក់ព័ន្ធ ។
- មានបទពិសោធវិជ្ជាជីវៈ យ៉ាងតិច៥ឆ្នាំ ឬច្រើនជាងនេះ ទាក់ទងនឹងការងារវិមជ្ឈការ/វិសហមជ្ឈការ កំណែទម្រង់អភិបាលកិច្ច និងការសិក្សាស្រាវជ្រាវ។
- មានជំនាញប្រាស្រ័យទាក់ទងស្ទាត់ជំនាញកម្រិតខ្ពស់ រួមទាំងជំនាញធ្វើបទបង្ហាញ និងសម្របសម្រួល ។
