អង្គការ​អាក់​សិន​អេតកម្ពុជា​ បាន​ចាប់ផ្ដើម​អនុវត្ត​គម្រោង​ថ្មី​មួយ​ឈ្មោះថា​ ការ​ជម្រុញ​ប្រព័ន្ធ​ ប្រកាស​ឱ្យ​ដឹងមុន​ នៅ​កម្ពុជា​។ គម្រោង​នេះ​មាន​គោលបំណង​បង្កើត​ប្រព័ន្ធ​ប្រកាស​ឱ្យ​ដឹងមុន​ ដែល​អាច​ដំណើរការ​ បាន​នៅ​ក្នុង​ប្រទេស​ កម្ពុជា​ ដោយមាន​ការ​សម្របសម្រួល​ និង​ការ​គាំទ្រ​យ៉ាង​រឹង​មាំ​ពី​ក្រសួង​ពាក់ព័ន្ធ​របស់​រដ្ឋាភិបាល​ ដើម្បី​ធានា​បាន​នូវ​ការ​ ប្រកាស​ឱ្យ​ដឹងមុន​អំពី​ហានិភ័យ​គ្រោះ​មហន្តរាយ​ប្រកបដោយ​ប្រសិទ្ធ​ភាព​ទៅដល់​ប្រជា​សហគមន៍​ដែល​រស់នៅ​ក្នុង​តំបន់​ដែល​ងាយ​រងគ្រោះ​ដោយ​គ្រោះ​មហន្តរាយ​។

គម្រោង​នេះ​នឹង​ត្រូវ​បាន​អនុវត្ត​ក្នុងរយៈពេល​១៨ខែ​ ចាប់​ផ្តើ​មពី​ ខែ​វិចិ្ឆកា ឆ្នាំ​២០២៣ ដោយមាន​ការ​គាំទ្រ​ ថវិកា​ពី​ GSMA Innovative Fund (GSMAIF) ចក្រភពអង់គ្លេស​ ក្នុង​ខេត្ត​ចំនួន​ ១១ រួម​មាន​ ខេត្ត​ក្រចេះ​ ស្ទឹង​ត្រែង​ ព្រះវិហារ​ ឧត្តរមានជ័យ​ ពោធិ៍សាត់​ កំពង់ស្ពឺ​ កំពត​ កោះកុង​ កំពង់ធំ​ ស្វាយរៀង​ និង​ខេត្ត​ព្រៃវែង​។។

ក្នុងរយៈពេល​នៃ​ការ​អនុវត្ត​គម្រោង​ អង្គការ​អាក់​សិន​អេតកម្ពុជា​ នឹង​ធ្វើការ​ផ្សព្វផ្សាយ​ទៅកាន់​សហគមន៍​ ឱ្យ​បាន​យល់​ដឹង​អំពី​ការ​ត្រៀម​ខ្លួន​មុន​ពេល​គ្រោះ​មហន្តរាយ​ និង​ជាពិសេស​ប្រព័ន្ធ​ប្រកាស​ឱ្យ​ដឹងមុន​អំពី​គ្រោះ​មហន្តរាយ​ ដូចជា​ គ្រោះ​ទឹកជំនន់​ ឬគ្រោះ​រាំង​ស្ងួត​ជាដើម​ ដោយមាន​ជា​ខិត្តប​ណ្ណចែក​ជូន​ទៅកាន់​សហគមន៍​ ផ្ទាំង​ព័ត៌មាន​នៅ​តាម​ ឃុំ​គោលដៅ​ ឬសាលារៀន​ និង​មាន​គម្រោង​ដំឡើង​ផ្ទាំង​ប៉ាណូ​អំពី​គ្រោះ​មហន្តរាយ​តាម​សហគមន៍​ផង​ដែរ​។ ដើម្បី​សម្រេច​នូវ​លទ្ធផល​ខាងលើ​ អង្គការ​អាក់​សិន​អេតកម្ពុជា​ បាន​នឹង​កំពុង​ស្វែងរក​សំណើ​ពី​ក្រុមហ៊ុន​អ្នក​ ផ្គត់ផ្គង់​ ដែល​មាន​សមត្ថភាព​សម្រាប់​ផ្គត់ផ្គង់​ និង​ដំឡើង​ផ្ទាំង​ប៉ាណូ​ដូច​ខាងក្រោម​៖