BongThom.com
Scan to see job detail
បុគ្គលិកអនាម័យ
with Ratanak International
Scan to see job detail
with Ratanak International
ពត៌មានអំពីការប្រកាស
យើងកំពុងស្វែងរកបុគ្គលិកផ្នែកអនាម័យដែលមាន បទពិសោធន៍ និងចំណេះយ៉ាងតិចមួយឆ្នាំក្នុងការសម្អាតក្នុងអាគារការិយាល័យ សណ្ឋាគារ សាលារៀន ឬកន្លែងប្រកបមុខរបរមានទំហំប្រហាក់ប្រហែល ដែលប្រកបដោយ អនាម័យ គុណភាព សុវត្ថិភាព និង ប្រសិទ្ធភាព មកបំរើការងារ ក្នុងអង្គការរបស់យើង។ មុខងារចម្បងគឺត្រូវបំពេញការងារផ្នែកសម្អាត តាមផែនការនិងកាលវិភាគដែលកំណត់ដោយអ្នកគ្រប់គ្រង និង ជួយរៀបចំសម្ភារៈអោយមានសោភ័ណ្ឌភាព ក្នុងបរិវេនអាគារការិយាល័យបានល្អ អោយរៀបរយជាប្រចាំ ព្រមទាំងជួយរក្សាសម្ភារៈនិង សន្សំសច្ចៃ ធនធាន សម្រាប់អនាម័យដោយប្រសិទ្ធភាព។ ប្រាកដណាស់យើងត្រូវការបុគ្គលិកដែលតស៊ូ អត់ធ្មត់ មានវិន័យ និងបំរើការងារដែលទៀងទាត់ និងទាន់ពេលវេលា។ បើលោកអ្នកមានចំណាប់អារម្មណ៍សូមផ្ញើរ CV និងសំបុត្រ(Cover Letter)ដែលប្រាប់ពីមូលហេតុដែលអ្នកស័ក្តសមនិងមានសមត្ថភាពបំពេញ តួនាទីនេះបាន តាមរយៈអ៊ីមែលនៅក្នុងសេចក្តីប្រកាសនេះ!
ពត៌មានពីអង្គការ
រតនៈអ៊ីនធើណេសិនណល ជាអង្គការក្រៅរដ្ឋាភិបាលមួយ ដែលមានមូលដ្ឋាននៅប្រទេសកាណាដា។ អស់ រយៈពេលជាង 30 ឆ្នាំមកហើយ យើងបានសហការជាដៃគូជាមួយប្រជាជនកម្ពុជា ដើម្បីគាំទ្រអ្នកដែលធ្វើការដើម្បីសេរីភាព ក្តីសង្ឃឹម និងការអភិវឌ្ឍន៍។ យើងធ្វើការជាមួយ និងសម្រាប់អ្នកដែលត្រូវបានទទួលអំពើរកេងប្រវ័ញ្ច គោលបំណងទប់ស្កាត់ការរំលោភបំពាន ការពារជនងាយរងគ្រោះ និងជួយអ្នករស់រានមានជីវិតពីការជួញដូរឱ្យត្រឡប់ទៅផ្ទះវិញ ទទួលបទពិសោធន៍នៃការស្តារជីវិតឡើងវិញ។
ម៉ោងធ្វើការ៖ ៤0 ម៉ោងក្នុងមួយសប្តាហ៍
អត្ថប្រយោជន៍
ចំណាត់ថ្នាក់ប្រាក់ខែ៖ A
អត្ថប្រយោជន៍បន្ថែម៖ ប្រាក់ខែទី ១៣ ប្រាក់ឧបត្ថម្ភសុខភាព និងការធានារ៉ាប់រង ប្រាក់បំណាច់អតីតភាពការងារ អាហារ ប្រាក់ឧបត្ថម្ភថែទាំខ្លួន និងប្រាក់ឧបត្ថម្ភការសិក្សាអប់រំ។
កម្មវត្ថុការងារ៖
ដើម្បីធានាថាការអនាម័យក្នុងអាគាររបស់អង្គការរតនៈអ៊ីនធើណេសិនណលត្រូវបានសំអាត នឹងការងារដែលមានគុណភាពនិងតម្លាភាព។
សង្ខេបការងារ៖
បុគ្គលិកអនាម័យទទួលខុសត្រូវក្នុងការផ្តល់ការអនាម័យ និងបរិស្ថានទិដ្ឋភាពទូទៅនៅការិយាល័យរបស់អង្គការរតនៈនិងភារកិច្ចផ្សេងទៀតតាមតម្រូវការ។នៅពេលចាំបាច់ពួកគេនឹងគាំទ្រតម្រូវការជាក់ស្តែងរបស់អតិថិជនដោយធ្វើការក្នុងបរិបទនៃការថែទាំការប៉ះទង្គិចផ្លូវចិត្ត និងដោយមានការសម្របសម្រួលជាមួយអ្នកថែទាំ។ នៅក្នុងការទំនាក់ទំនងជាមួយអតិថិជន ពួកគេនឹងលើកទឹកចិត្តភាពឯករាជ្យភាពតាមការសមស្របហើយប្រាកដថាពួកគេយល់ដឹងពីគោលដៅដែលបានគ្រោងទុកសម្រាប់អតិថិជនម្នាក់ៗ នៅក្នុងផែនការសកម្មភាពរបស់ពួកគេ។
ប្រសិនបើការពិពណ៌នាការងារខាងលើត្រូវគ្នានឹងជំនាញ បទពិសោធន៍ និងការចាប់អារម្មណ៍របស់អ្នក យើងនឹងរីករាយក្នុងការទទួលពាក្យពីអ្នក។
សូមផ្ញើប្រវត្តិរូបសង្ខេប (CV) របស់អ្នក និងសំបុត្រដែលពន្យល់ពីរបៀបដែលអ្នកបំពេញតម្រូវការ សម្រាប់តួនាទីនេះទៅកាន់អាសយដ្ឋានអ៊ីមែលដែលបានបញ្ជាក់ជូននៅក្នុងព័ត៌មានទំនាក់ទំនង។ សូមកុំបញ្ចូលឬបញ្ជូនវិញ្ញាបនបត្រ ឬឯកសារផ្សេងទៀតនៅពេលនេះឡើយ។
ប្រសិនបើអ្នកមានសំណួរណាមួយអំពីមុខតំណែង សូមទាក់ទងមកយើងខ្ញុំតាមអាសយដ្ឋានអ៊ីមែល ឬលេខទូរស័ព្ទដែលបានបញ្ជាក់ជូននៅក្នុងព័ត៌មានទំនាក់ទំនង។
យើងអោយតម្លៃលើគ្រប់បេក្ខជនដែលបានដាក់ពាក្យទាំងអស់ ប៉ុន្តែយើងនឹងទាក់ទងតែអ្នកដែលបានជ្រើសរើសសម្រាប់ការសម្ភាសន៍ប៉ុណ្ណោះ។